Ovdasiidu » Registrerejuvvon vuoigatvuođat

Registrerejuvvon vuoigatvuođat

Registrerejuvvon olbmuin dárkkuhuvvo olmmoš, gean heaggadieđut čoggojuvvojit. Registtardoallin gohčoduvvo dat, guhte čoaggá ovdamearkan áššehasa heaggadieđuid dihto geavahanulbmila várás. Registrerejuvvon olbmos lea vejolašvuohta čielggadit, maid dieđuid su birra leat čoaggán ja vurken sihke vejolášvuohta dárbbu mielde doalvut ášši dutkan láhkai. Go registrerejuvvon hálida geavahit registrerejuvvon vuoigatvuođaid dahje sus lea jearramuš heaggadieđuidis gieđahallamis, son galgá ovdasajis váldit oktavuođa áššáiosolaš registtardoallii. Juos registrerejuvvon ii fidne áššis čielggadit registtardoalliin, son sáhttá váldit oktavuođa diehtosuodjeáittardeaddji doaimmahahkii. Juos heaggadieđuid gieđahallamis sáhttá leat gažaldat persovdnadiehtolágas dahje rihkuslágas meroštallon rihkkosis, registrerejuvvon sáhttá bivdit maiddái bolesvirgeoapmahačča čielggadit ášši.

Persovdnadiehtoláhka čilge, goas registtardoalli sáhttá čoaggit ja muđui gieđahallat registrerejuvvon heaggadieđuid. Heaggadieđuid sáhttá gieđahallat registrerejuvvon addin miehtamiin. Gieđahallan lea vejolaš maiddái, juos registrerejuvvon ja registtardoalli gaskkas lea dakkár áššehas-, bargo – dahje lahttogaskavuohta, mas heaggadieđuid čoaggin ja vurken lea dárbbašlaš oassebeliid gaskasaš áššiid dikšuma dihtii. Lassin vuoigatvuohta heaggadieđuid gieđahallamii sáhttá vuođđuduvvat earret eará registtardoallii addojuvvon doibmii.

Heaggadieđuid čoaggima ja gieđahallama dárbbut árvvoštallojit registtardoalli doaimmaid dárbbuid vuođul. Guhtege registtardoalli doaimmas sáhttá gieđahallat dušše dan dárkkuhusas dárbbašlaš ja feaillahis dieđuid, ii eará dieđuid.

Persovdnadiehtolágas registrerejuvvon olbmui ásahuvvon erenoamáš vuoigatvuođat leat:

Diehtooažžunvuoigatvuohta

Heaggadieđuid gieđahallan gáibiduvvo leat rabas. Registtardoalli lea dánu geatnegas addit registrerejuvvon olbmui dieđuid su heaggadieđuid gieđahallamis sihke daid čoakkedettiin ja gieđahaladettiin. Registrerejuvvon olbmui galgá muitalit dieđuid:

  • registtardoallis ja dárbbu mielde dán ovddasteaddjis,
  • heaggadieđuid gieđahallama ulbmilis,
  • jeavddalaš dieđuid luohpademiin,
  • registrerejuvvon vuoigatvuođaid geavaheamis heaggadieđuid gieđahallamis.

Juohkehaččas lea vuoigatvuohta oažžut dieđuid maiddái registtarčilgehusas, man galgá ráhkadit buot persovdnaregisttariin. Das oaidná earret eará registtardoalli nama sihke mat dieđut registtarii leat čoggojuvvon ja masa dat geavahuvvojit. Registtardoalli sáhttá lasihit čilgehusssii maiddái registrerejuvvon vuoigatvuođain muitaleaddji oasi.

Registtarčilgehus lea oaidnimis dábálaččat registtardoalli doaibmasajis. Juos registtar lea neahtas, maiddái registtarčilgehus galgá leat neahtas.

Dárkkistanvuoigatvuohta

Registrerejuvvon olbmos lea vuoigatvuohta geavahit dárkkistanvuoigatvuođa, jos hálida diehtit, maid su dieđuid leat vurken eará registariidda dahje juos registaris eai leat su guoski dieđut. Ná sáhttá maiddái sihkkarastit, ahte registrerejuvvon dieđut leat riekta. Dieđuid galgá addit áddehahtti hámis ja dat leat fidnemis maiddái girjjálaččat. Registrerejuvvon olbmos lea vuoigavuohta oažžut diehtit, gos dieđut registara várás jeavddalaččat skáhppjuvvojit ja masa dieđut geavahuvvojit ja jeavddalaččat luohpaduvvojit.

Dieđuid dárkkisteapmi lea nuvttá oktii jagis. Dárkkistanvuoigatvuođas lea váldonjuolggadus. Lágas lea goitotge spiehkastagat dihto diliid várás ja soames registarat leat guđđon ollásit dárkkistanvuoigatvuođa olggobeallai.

Registrerejuvvon galgá ovdanbuktit dárkkistanbivdaga njuolgga registtardoallii. Dan sáhttá dahkat maiddái geavahemiin diehtosuodjeáittardeaddji doaimmahaga ráhkadan málleskovi (fidnemis dušše suomagillii ja ruoŧagillii). Jos registtardoalli biehttala addimis dieđuid registtardoalli galgá addit čálalaš duođaštusa, mas oidnojit biehttaleami sivat. Dán maŋŋá registrerejuvvon sáhttá bivdit veahki diehtosuodjeáittardeaddjis.

Vuoigatvuohta fidnet iežas dieđuid vuigema

Registrerejuvvon olbmos lea vuoigatvuohta gáibidit registtardoallii vuiget registtaris leahkki boastto dieđu. Dieđu vuigengáibádusa galgá ovdanbuktit njuolgga registtardoallii. Dan sáhttá dahkat maiddái geavahemiin diehtosuodjeáittardeaddji doaimmahaga ráhkadan málleskovi (fidnemis dušše suomagillii ja ruoŧagillii). Registtardoalli galgá almmuhit dieđu vuigemis maiddái dasa, geasa dieđut leat luohpaduvvon ja geas boastto diehtu lea fidnejuvvon.

Jos registtardoalli ii mieđa vuiget dieđu, son galgá addit duođaštusa, mas oidnojit biehttaleami sivat. Dán maŋŋá registrerejuvvon sáhttá bivdit veahki diehtosuodjeáittardeaddjis.

Gieldin-vuoigatvuohta

Registrerejuvvon sáhttá gieldit dieđuidis geavaheami: njuolggoreklamerema várás, gáiddusvuovdima várás dahje eará njuolggomárkanastima várás, márkan - ja oaivildutkamuša sihke olmmošmatrihkkala ja sohkadutkamuša várás. Juos son hálida gieldit iežas čujuhusdieđuid geavaheami dahje luohpadeami njuolggomárkanastin dárkkuhusaide, son galgá almmuhit gieldimis registtardoallii, omd. telefon- dahje láđđefitnodatsearvái dahje ovttastussii. Gieldima sáhttá almmuhit telefonis dahje čálalaččat. Gieldin-vuoigatvuođa geavaheapmi lea nuvttá.

Nu viiddis gildosa go vejolaš áigáioažžuma dihtii sáhttá gieldit čuovvovaš beliid luohpadeamis iežas čujuhusdieđuid: Álbmotregisttarguovddáš ja Johtolaga dorvvolašvuođadoaimmahat Trafi. Iežas oktavuohtadieđuid geavaheami njuolggomárkanastindárkkusaid várás sáhttá gieldit maiddái eaktodáhtolaš vuogádagaid mielde.

 
Julkaistu 2.9.2015