Ovdasiidu » Mii min bargui ii gula

Mii min bargui ii gula

Ovdamearrádusat ja lobit

Diehtosuodjeáittardeaddji doaimmahat ii atte ovdamearrádusaid iige mieđit heaggadieđuid gieđahallama guoski lobiid.

Jos heaggadieđut eai gieđahallo adg:a mielde dahje ordnejuvvo registarin

Persovdnadiehtolága heivehansuorgái gullá heaggadieđuid automáhtalaš gieđahallan ja manuálalaš materiála dallego, go dat lea ordnejuvvon registarin. Heaggadiehtu dárkkuha dušše mannu vurkenvuđđui giddejuvvon dieđu.

Ovttaskas áššegirjjji, dego čoahkkinbeavdegirjji dahje árbegirjji, ráhkadeapmi ii gula lága heivehansuorgái iige diehtosuodjeáittardeaddji dalle leat doaibmaváldásaš gieđahallat maiddái ovdamearkan feaillaidvuigenášši, juos dákkáraš materiálain ii ráhkaduvvo registtar dahje dat eai gieđahallo muđuid adg:a mielde, ovdamearkan interneahtas.

Pasieantta vuoigatvuođat

Persovdnadiehtolága mielde pasienttas lea vuoigatvuohta dárkkistit dieđuid, mat su birra leat registrerejuvvon pasientaáššegirjjiide, ja dárbbu mielde bivdit vuiget daid. Diehtosuodjeáittardeaddji doaibmaváldái ii gula árvvoštallat dearvvasvuođafuolahusa ámmátolbmo addin divššu. Doaibmaváldái ii gula maiddái dutkat diagnosadieđuid riektatvuođa. Doaibmaváldásaš virgeoapmahaččat dáin áššiin leat Sosiála- ja dearvvasvuođasuorggi lohpe- ja gozihanvirgedoaimmahat (Valvira) ja guovlohálddahusdoaimmahat (AVI).

Lassidieđut: Valvira ja AVI

Bargoeallima váttisvuođat

Diehtosuodjeáittardeaddji doaibmaváldái eai gula bargo- ja virgevuoigatvuođalaš gažaldagat eaige bargo- ja virgeeaktosoahpamušaid dulkon. Bargosuodjaleapmai gulavaš áššiid bearráigeahččan gullá bargosuodjalanvirgeoapmahaččaide, geat bearráigehččet bargosuodjalanmearrádusaid čuovvuma ja bagadallet bargosajiid.

Lassidieđut: Bargosuodjalanvirgeoapmahaččat

Márkanastin ja geavaheaddji-áššit

Diehtosuodjeáittardeaddji doaibmaváldái ii gula árvvoštallat márkanastima doahpaga dahje dan, leatgo márkanastindieđáhusat buori dábi vuostásaččat, heivemeahttumat dahje čádjidahttit. Dáid áššiid árvvoštallan gullá Gilvo- ja Geavaheaddjidoaimmahaga (KKV) bargguide. Geavaheaddjisuoji ollái gullet maiddái gažaldagat geavaheaddjiide čujuhuvvon rehkega riektatvuođas ja vuođustusain sihke geavaheaddjisoahpamušaid eretcealkimis.

Lassidieđut: KKV

Gulahallandoaimmahaga ja diehtosuodjeáittardeaddji gaskasaš doaibmaváldejuohku

Diehtosuodjeáittardeaddji bearráigeahččá diehtoservodatgeavlli (917/2014) vuođul báikedieđuid gieđahallama, telefonlogahallamiid ja eará diŋgojeaddjilogahallamiid, nummirdieđáhusa, njuolggomárkanastina sihke identifiserendieđuid gieđahallama boasttogeavahandáhpáhusain guoski njuolggadusaid čuovvuma. Diehtosuodjeáittardeaddji bearráigeahččá maiddái bargi šleađgaboasttaid gieđahallama guoski njuolggadusaid čuovvuma.

Gulahallandoaimmahaga bargun lea bearráigeahččat diehtoservodatgeavlli sihke dan vuođul addojuvvon ásahusaid ja mearrádusaid čuovvuma eará osiin. Ovdamearkan dieđiheami luohttámuššii ja dieđihanfierpmádahkii báhcán "fierbmeluottaide" gulavaš gažaldagat gullet Gulahallandoaimmahahkii ja eará elektrovnnalaš heaggadieđuid gieđahallamii gulavaš gažaldagat diehtosuodjeáittardeaddjái.

Lassidieđut: Gulahallandoaimmahat

Soahpamušat ja njuolggadusat

Diehtosuodjeáittardeaddji doaibmaváldái eai gula siviilavuoigatvuođalaš soahpamušaid dahje ovttastusaid njuolggadusaid dulkon.

Virgeoapmahaččaid áššegirjjjiid almmolašvuohta

Diehtosuodjeáittardeaddji doaibmaváldái ii gula váldit beali dasa, mii dieđuid lea almmolaš ja mii čiegusindollojuvvon. Láhka virgeoapmahačča doaibmama almmolašvuođas (almmolašvuođaláhka , 621/1999) ásaha virgeoapmahaččaid hálddus leahkki áššegirjjiid almmolašvuođa ja čiegusindoallama. Guhtege virgeoapamahaš dulko almmolašvuođalága ieš ja loahpai loahpas ášši čoavdá duopmostuollu.

Rihkkosiid dulkon ja vahátruhtagáibádusat

Rihkkosiid dulkon gullá bolesvirgeoapmahaččaide, vaikko heaggadiehtoláhkaásahusa vuostásaš meannudeamis sáhttá leat čuovvumuššan rihkusvuoigatvuođalaš ráŋggáštus.

Vahátruđaid mearrideapmi ii gula diehtosuodjeáittardeaddji doaibmáváldái. Juos du vahátruhtaášši gieđahallo almmolaš duopmostuolus dahje muđuid dárbbašat áššeolbmo, bivdde veahki almmolaš vuoigatvuohtaveahkis dahje advokáhtas/áššealbmás.

 
Julkaistu 2.9.2015